Jinên ciwan tundiya li ser jinan şermezar kirin

Yekitiya Jinên Ciwan a bajarê Qamişloyê bi daxuyaniyekê tundiya li ser jinan şermezar kir

Bi armanca şermezarkirina tundiya li ser jinê, jinên ciwan a bajarê Qamişloyê li ber Çerxerêya Şerqî ya bajar daxuyaniyekê da. Di daxuyaniyê de bi dehan jinên ciwan amadebûn. Daxuyanî ji aliyê Endama Yekitiya Jinên Ciwan Maya Ehmed ve hate xwendin.

Di daxuyaniya Yekitiya Jinên Ciwan de ev tişt hat gotin: “Weke ku tê zanîn di roja îro de dijmin dixwaze di her aliyê de êrîşî nirxên me bike. Jina ku bi hezaran salan di bin tarîtiyê de bû, bi derketina Rêber Apo ji nû ve dîroka xwe vegeriya û hebûna xwe mayînde kir. Di roja îro de jî jin xwediyê îrade û nirxên xwe derdikeve. Ev îrade, bawerî û zanebûna jinê di her aliyê de pergala faşîst vala derdixîne û wan ber bi tunebûyînê ve dibe. Ev jî di dijmin de dibe weke tirsekî, ji bo wê jî ji bo jin azad nejî herî zêde êrîşî jinê dike. Dijmin dixwaze bi êrîşên mîna qetilkirin, tecawiz, taciz, lêdan û bi sîxurtiyê, bigihêje armancê xwe. Pêwîst e em jî weke jinên ciwan li hember van polîtîkayên qirêj hişyar bin,  bi rêxistinkirî bin û bibin xwedî hêz.

Weke tê zanîn roja ku jin neyê qetilkirin nîne. Herî dawî li navçeya Dirbesiyê jineke ciwan ji aliyê birayê xwe ve hate qetilkirin, her wiha li Batmanê Îpek Er ji aliyê çawişê pispor ê bi navê Musa Orhan ve bi tecawizê re rûbirû mabû. Em jî weke jinên ciwan van êrîşên li ser jinan bi tundî şermezar dikin. Pêwîst e em weke jinên ciwan xwedî li nirxên jinan derkevin. Ew êrîşên ku di şexsê jinan de tê kirin, di heman demê de ser tevahî jinan e. Ji bo ku em bikaribin li dijî vê zîhniyeta baviksalarî şer bikin, divê em xwe di hemû waran de zana bikin, xwedî li nasnameya xwe derkevin, ji xwe bawer bin û bibin îrade. Li ser vê esasê em weke jinên ciwan cardin dibêjin ji tecawizê re na, ji tundiyê re na, ji tacizê re na û ji bêîradebûnê re na.”

Daxuyanî bi dirûşma ‘Jin jiyan azadî’ bi dawî bû. QAMIŞLO

Dikarî Biecibînî