Do reyna pey xebaran de vazda

Edîtora Ajansê Xeberan ya Etkîn (ETHA) Pinar Gayîpe aşma Nîsane de, eştişê serê keyeyî de amî tepiştiş û tewqîfkerdiş.

Pinare neqlê Hepisxaneyê Bakirkoyî yê Cinîyan amî kerdiş. Roniştişê dewaya Pinare 10 Êlule de 23in Dadgeha Cezaya Giran ya Stenbolî de bêra vînayîş.

Verê roniştişî Pinare nameyêke ajansê ma rê eşrawit û vengdayîşê beşdarbîyayîşê dewaya raya pêroyî kerde.

Pinare daye zanayîş ke her cayê dinya de bêvengîya çapemenî yeno waştiş û 150 ra zêde rojnamegerî seba xeberanê ke viraştê ameyê tepiştiş û wina va: “Esasê xo de heto ke yeno asayîş o. Seba ke ma rastî anê ziwan ma yenê tepiştiş. Yanî kilmî de ma nê bedelî dewamkerdişê adetê çapemenîya azad ya ma Musa Anter, Metîn Goktepe û Hrant Dînkî dewr girewto to. Mi zaf mektubî girewtî. Bi taybetî mektubê ke rojnamegeran ra yenê mi kêfweş kenê. Piştdayîşê înan zaf girîng o. Tedayê serê çapemenî zaf zêde bîyê. Cayê rojnamegeran hepisxaneyî nîyê, kuçe yê. No zî xêrê piştdayîşî mimkun o. Eke ez bêra verdayîş ez do reyna pey xeberan vazda.” STENBOL

Dikarî Biecibînî