Selma Gurkan: Mitbax û sûke de agir esta

Sereka EMEPî Selma Gurkane dîyar kerde ke hukmat rewşa krîzî nimneno û se vajo wa vajo, pîyase, mitbax û sûke de şewatê vaye esto. Gurkane qiseykerdişê xo de va: “Heta ke têkoşîn nêro dayîş do rewşa ekonomî çareser nêba. Faturaya krîzî karker û kedkaran rê yena birnayîşe”

Seke yeno zanayîş Tirkîya de krîzê ekonomî yeno cuyayîş û her ke şono heme çîyan de vaye virazîyena. Vera dolar û euro de lîreyê tirkî timî keweno û kûrebîyayîşê krîzê ekonomî reyde feqîrî zî zêde bîyo. Krîzê ekonomî ra tewr zêde hemwelatî û esnafê şenik tesîr benî. Gaxê tebîî, cereyan û derzîne ra bitêr heta la heme çîyan de vaye birazîya ya. Sereka Partîya Kede (EMEP) Selma Gurkane derheqê krîzê ekonomî de malumatê muhîman daye û dîyar kerde ke faturaya krîzî karker û kedkaran rê yena birnayîşe.

Selma Gurkane qiseykerdişê xo de bale nate krîzê ekonomî yê Tirkîya ser û wina va: “No krîzî ra bi hawayo asan xelisnayîş, mumkun nîyo. Krîzê ekonomî problemê sîstemê kapîtalîzmî yo. Polîtîkayê îqtîdarî benî sebebê krîzî. AKP û Tayyîp Erdogan çiqas vajî krîz kayê hêzê teberî yo zî berpirsîyar ê bi xo yî. Berpirsîyarê rewşa nika îqtîdarê AKPyî yo. Krîz do vila bibo heme rasteyê cuye. AKP do şertê krîzî bikero firsend û rayirê karî bigêro. Heme prosesê krîzî de fatura krîzî karker û kedkaran rê yena birnayîşe.”

Do krîzî ra zêde tesîr bibî

Selma Gurkane dewamê qiseyekerdişê xo de qala mehneyê îqtîdarî kerde û va: “Hukmat mehneyan erzeno raste. La mitbax, piyasa û sûke de krîz esto. Heta ke têkoşîn nêro dayîş do rewşa ekonomî çareser nêba. Esnafê şenik do krîzî ra zêde tesîr bibî. Hetê weşî, perwerdeyî, xebatê şar û teqawitî do pêropîya krîzî ra para xo bigîrî û maaşê teqwitan do kêmî bibo.” ANQARA

Dikarî Biecibînî