Azîzî bi şehadetê xo cesaret da

Îmera Fera Yeşîlgoze derheqê serrgêra 3. ya Fermandarê BOGî Azîz Gulerî de qisey kerde û wina va: “Hemrayê ma Azîz bi şehadetê cesaret û bawerîye dayo herkesî. Ma qerardar î ke rayîrê Rayberê xo Ulaş Bayraktarogluyî de şêrî. Ma do beyraqa şorişî bikirêşî cayanê hîna berzan.”

Seke yeno zanayiş Fermandarê Hêzê Azadîye yê Yewbîyaye (BOG) û Partîya Komunarê Şorişgerî (DKP) Ulaş Bayraktaroglu 9ê Gulane de Reqqa de Hemleya Xezebê Firatî de şehîd bibi. Mufrezeya Rizgarîya Fermandar Rasîhî ya Partîya Komunaranê Şorişgêran (DKP) derheqê serrgêra 3. ya Fermandarê BOGî Azîz Gulerî (Rasîh Kurtuluş) de îzehetêk daye.

Fermandara Mufrezeye Îmera Fera Yeşîlgoze dîyar kerde ke Azîzî têkoşînê xo yê Tirkîya kirişto Rojawanî û wina va: “Fermandar Rasîhî Tirkîya de barîkat bi barîkat, ziqaq bi ziqaq vera faşîzmî de têkoşîn da. Azîz ciwanîya xo de beşdarê têkoşînî bi û meterîsanê tewr averan de şer kerd. Hemra Rasîhî bi talîmatê Fermandarê ma Ulaş Bayraktarogluyî têkoşînê xo kirişt Rojawanî.”

Yeşîlgoze dewamê qiseykerdişê xo de va ‘şexsê Azîz Gulerî de têkoşînê karker û kurdan ame têhet û wina dewam kerd: “Hemrayê ma vera tarîtîya DAÎŞî de têkoşînê xo kirişt erdê Rojawanî û bi hemrayanê şehîd Bedrettîn, şehîd Ulaş, şehîd Mahîrî beşdarê şerê Kobanê bi. Hemrayê ma Azîz bi şehadetê xo cesaret û bawerîya dayî herkesî. Hêzê şerî yê Mufrezeya Rizgarîya Rasîhî bi Atakan Mahîr û Mehmet Alî Kasirgayî kirişîya erdanê Vakurî. Ma do nameyê fermandarê xo bidî cuyayene. BOG seba karker û bindestan şer keno.”

Ma do rayîrê Ulaşî de şêrî

Yeşîlgoze da zanayene ke ê do şexsê şehîdan de têkoşînê înan bidomnî û wina va: “Ma qerardar î ke rayîrê Rayberê xo Ulaş Bayraktarogluyî de şêrî. Ma do beyraqa şorişî bikirêşî cayanê hîna berzan. Ma veng danî heme karker, kedkar û bindestan ke wa beşdarê BOGî bibî.” BEHDÎNAN

Dikarî Biecibînî