Qayûm bi huqûqê dişmenî xoza talan

Qayûmê ke tayînê şaredarîya Partîya Herêmê Demokratîkî (DBP) ya Wanî û 11 qezayê ci bîyî polîtîkayê texrîbkerdişê kultur û xozaye meşnenî. Parlamentera Partîya Demokratîke ya Şaran (HDP) ya Wanê Bedîa Ozgokçeye arde ziwan ke qayûm bi huqûqê dişmenîya AKPyî xoza talan keno.

Bedîa Ozgokçeye qiseykerdişê xo de dîyar kerde ke qayûmê ke tayînê şaredarîya Wanî û 11 qezayê ci bîyî sucê merdimîye kenî û wina dewam kerde: “Qayûmî îmze eştî polîtîkayê talankerdişê tebîetî. Heme kerdişê ke dorme lêşin kenî dewre de yî. Mergê dewijan yenî çinkerdiş û herinda înan de çewlîgê estoreyan û Santralê Enerjîya Roje (GES) yenî viraştiş.”

Polîtîkayê talankerdişî yo

Ozgokçeye qiseykerdişê xo yê peyêna de wina va: “Mergê dewa Dîlkaya ya Artemîtî de çewlîgê estoreyan ameyo awankerdiş. Rasteyê çerênayîşê heywanan nêmendo. No polîtîkayê talankerdişî yo. Na rewşe bi kamî cû mergî yena zehkerdişe. Pirê Şeytan yê Bêgiriyî ke seserra 19. de ameyo viraştir ser asfalt ameyo rijnayîş. Heme erjê komelî yenî çinkerdiş. Destê qayûman de fermanê bê sînor estî. Ma do bêveng nêmanî. WAN

Dikarî Biecibînî