Ganî her raste sey Galatasarayî bibo

Dayîkê Şeme ke serra 1995î ra nata çalakîye virazenî û aqubetê vînîbîyayeyanê xo pers kenî. Dayîkê Şeme hewteyê 704î de aqûbetê merdimanê xo yê vindîbîyayeyan pers kerdî û hewteyê 700î yê çalakîya Dayîkê Şemeyan de polîsî bi fermanê Suleyman Soyluyî hêriş pê ardbî. Netîceyê hêrişan de xeylê kesî amebî derbkerdiş û tepiştiş.

Dayîkê Şeme no hewte zî seba ke şêrî Rasteyê Galatasarayî, Komeleya Heqê Merdiman (ÎHD) yê Stenbolî de arê bîyî û hetê polîsan ra ameyî astengkerdiş. Çalakîya dayîkan hewteyê 704î de amey astengkerdiş û dayîkan hewl da verê awanîya ÎHDyî de îzehet bidê. La polîsan mudaxaleyê dayîkan kerdî û destûr nêdayî îzehet verê berî de bêro dayîş.

Fek têkoşînê xo ra vera nêdanî

Hemsereka Pêroyî ya Partîya Demokratîke ya Şaran (HDP) Pervîn Buldane mudaxaleyê polîsan şîrove kerde û va çalakîya 700î yê Dayîkê Şemeyan kenê sebeb û hewl danê ke înan bêveng verdê. Buldana ke merdimê vînîbîyayeyan ra yew a daye zanayîş ke seba îzehetê hukmat û bi taybet zî wezîrê karê zereyîn Dayîkê Şemeyî bi çend hewteyo rewşêke cîya cuyenê û Dayîkê Şeme ti rey fek têkoşînê xo ra vera nêdê, tîya ra tepya zî o seba aqûbetê vindîbîyayeyan bêrê têhet.

Do dayîk rasteyan de bibî

Buldane va: “Ma do qetî destûr nêdî ke waştişê cigêrayîşê heqê 23 serran hetê wezîrî ra bêro peynîkerdiş. Ma pey têkoşînêke heqdarî de yî. No waştiş tewr rewa yê dayîkan o. No despotî yo. Vera nê ferasetê despotî de do dayîkî her wext ra hîna xurt rasteyan de bibî.” STENBOL

Dikarî Biecibînî