Seba viraştişê abîde paweyê serekkomarî

Meclîsê Şaredarîya Girdî yê Anqara qerar dabî ke do Garê Anqara de herinda Qetlîyamê 10ê Teşrîna Verêne ke 103 kesî merbî de Abîdeya Demokrasîye bêra viraştişe, la herînayîşê qerarî ra nata hema zî abîde nêameya viraştişe. Seba viraştişê Abîdeya Demokrasîye 114 kesî tewrê raydayîşî bîbî û 101 kesî raydayîşî de vatî; wa abîde bêra viraştiş. La 3 serrî qerarî qedîya. Wexto ke qerar ame girewtiş şaredar Melîh Gokçek bî. Gokçek Abîdeya Demokrasîye nêviraşt. Badê ke 6ê teşrîna peyêne ya 2017î de Mustafa Kara bî şaredar, o zî abîde nêviraşt. Keyeyê kesê ke qetlîyam de cuya xo vînî kerdbî, bi îmkananê xo hawayêk sembolîk abîde viraştî, la hêrişê abîdeye amebî kerdiş.

Sereka Komeleya Aşît û Hetkarî ya 10 Teşrîna Verêne avûkat Mehtap Sakîncî Coşguna ke mêrdeyê aye Uygar Coşgunî zî qetlîyam de cuya xo vînî kerdî, dîyar kerde ke komîsyona abîde awan kerdî û seba Abîdeya Demokrasîye xeylê têkoşîn dayî.

Şaredar randevu nêdano

Coşgune wina va: “Ma hewl da ke şaredar ra randevu bigîrî. La randevu nêda ma. Tewr peynî ma ra vatî; ê seba viraştişê Abîdeya Demokrasîye paweyê ‘vînayîşê’ serekkomarî yî. rewşêk winasî de ganî qerarê meclîsê şaredarî pê bêro. Qetlîyam ra nata ti gamêk nêameyo eştiş.” ANQARA

Dikarî Biecibînî