No welat de heqê merdiman çin o

Krîzê ekonomî vera hema hema her roje heme çîyan de vaye virazîyena. Fabrîka yenî padayîş û sektorî îflas kenî. Karker kar ra yenî eştiş û her aşme bi seyan cînayetê karî vrazîyenî. Karkerê ke heqê xo wazenî raştê şîdetî yenî û yenî tewqîfkerdiş. Tewr peynî karkerê înşaatê Rasteyê Teyarayan yê 3. yê Stenbolî çalakî pê ardbî û nizdîyê 600 karkerî amebî tepiştiş û înan ra 27 karkerî amebî tewqîfkerdiş. Babete ser o akademîsyen Ozgur Muftuoglu qisey kerd.

Muftuogluyî qiseykerdişê xo de da zanayîş ke karkerî macbur manenî bi çalakîyan veng bidî komelî û wina va: “Waştişê karkeran waştişê demokrasî yo. la raştê şîdet yenî. Warê daristanan talan kenî û kenî rasteyê teyarayan. Merdimî nêeşkenî îradeya xo nîşan bidî. Şar bi îradeya xo şaredaran weçîneno, la qayûmî tayînê herinda îradeya şarî yenî kerdiş.”

Çareserî têkoşînê karkeran a

Muftuogluyî tewr peynî va: “Ganî no welat demokratîke bibo. No welat de heqê merdiman çin o. Ganî heme karkerî têkoşîn bibî û xo rêxistin bikerî. Rewşa karkerê Flormarî zî asîyena. Her ke şono erjê TLyê tirkî kêmî beno û sermayegozarî lazimî bi arêkerdişê çimeyanê pereyan vînenî. Çareserî têkoşînê ortax yê karkeran a.” Stenbol

Dikarî Biecibînî