Ma do meclîs û kuçeyan de têkoşînî xurt bikerî

Meclîsê Parlamenteranê Tirkiya ke 1ê teşrîna verêne de ame akerdene, cade polîtîkaya şerî dîyayî dest pê kerdene. Seba dergkerdişê tezkereyê şerê Surîya û Îraqî bê HDPyî, partîyanê bînan pêro pîya qerar girewt. Partîya hirêyin ya meclîsî HDP vera partîyanê şerî senî têgêrena, naye ser o Parlamenterê HDPyî yê Amedî Garo Paylanî ANFyî rê qisey kerd.

Paylanî hêrişê ser o HDPyî vistê vîrê û va: ‘’AKP namzedê serokkomarî yê ma rehîn tepişt û destûr nêda ma kampanyaya azade ya weçînayîşî virazo. Rixmê pêroyê hêrişan şarê ma HDP hêzên şawitê meclîsî û mûneyê AKPyî şikit.

Roşnayî ma ra nêzdî ya

Paylanî qiseykerdişê xo rê wina dewam kerd: ‘’Erdogan wazeno ke vengê medya û parlamentoyî biberne û hukmî zî sey çuweyî şuxulneno. La ma sey HDPyî rixmê naye, nameyê şarî ra muxaletê xo rê dewam kenî. Belka şar ma hend nêvîneno, medya ma ranêmojnena la ma meclîsî de karê xo kenî. Xora muxalefet tena meclîsî de nê ganî keye, fabrîqa kuçe her ca de bêro kerdene. Ma zî çike ma dest ra yeno kenî û mîyanê şarê xo û têkoşînî de ca genî. Ganî herkes cayê xo de têkoşînî xurt bikero. Ma hem meclîs hem zî kuçeyan de do têkoşînî xurt bikerî. No dewr tim wina nêşino. Ma nika noqtaya tewr tarî de yê la roşnayîya sibayî ma ra nêzdî ya. Bi yewbîyayîş û girdkerdişê têkoşînî ma do serkewtiş dest bifînî. Amed

Dikarî Biecibînî