‘Ma sey mîlçikan azade’

Hemşaredara Bajarê Pîlî ya Amedî ya verêne Gulten Kişanaka ke zindan de tewqîfkerde ya aktîvîteyê kitabê ‘Rengê Morî yê Sîyasetê Kurdan’ ke zindan de nuştbi, mesajêk şawite û wina va: “Ma sey mîlçikan azade.”

Hemşaredara Bajarê Pîlî ya Amedî ya verêne Gulten Kişanake ke qeyûm ca yê ey rê tayîn bibi, zîndan de kitabêk nuştbi. Meclîsê Cînîyan yê Partîya Demokratîke ya Şaran (HDP) bi sloganê ‘Cinîyî Guletene ya yenî têhete’ kitapxaneyê Mephîsto de ameyî pêsere û kibatê ‘Rengê Morî yê Sîyasetê Kurdan’ yê Kişanake da naskerdene.

Hemsereka Pêroyî ya Partîya Demokratîke ya Şaran (HDP) Pervîn Buldane ya pîya xeylê parlamenterê HDPyî tewr bî. Reyna xeylê nuştoxî, aktîvîstê cinîyî û endamê xeylê dezgeyê sivîlan zî tewr aktîvîteyî bî û paştî da Kişanake.

No kitab yê cinîyan o

Buldane derheqê kitabî de wina va: ‘’No kitabê bi emeg, rik, qerarîye ameyo nuştene û seba têkoşînê cinîyan gamêko erjaye yo. Kitab de cigêrayîşê azadîyê kurdan û cinîyan yewbînî ra giredayeyî û mesajê berzkerdişê têkoşînî yeno dayene. Cinîyê xoverdayoxê zilm û zordarîye nêsarisnenî her ca de têkoşîn danî û verê hêrişan de milê xo çewt nêkenî’’

Cinî seba ameyîşê xo têkoşîn danî

Bado zî mesajê Kişanake hetê keynaya aye Evîn Kişanake ra ame wendene. Kişanake cinîyî slûm kerdî û nê vatî: “Ma rixmê şartanê keratan seba ameyîşê xo ya têkoşîn rê dewam kenî. Qet yew zehmetîye nêşkena ameyîşê ma, destê ma ra bigero. Meydan zîhnîyeto faşîst yê camêrdî rê meverdene. Tena bi emegê cinîyan aştîye yena. Ganî ma her ca de rêsitinin xovedayîşê xo girde bikerî. Seba ma wa qisawetê şima çîn bo, ma sey mîlçikan azade.”

Kitabê Guleten Kişanake hetê Pervîn Buldane ra ame îmza kerdene û aktîvîte bi deyîran û govendê cinîyan qedîya. Stenbol

Dikarî Biecibînî