Tewqîfkerdiş xerîtaya hukmatî yo

Bi ‘gereyo nimite’ merkezê ci Amed pêro pîya 9 bajaran de operasyonê qirkerdişê sîyasî dîyabî dest pêkerdiş û polîsî eştbî nizdîyê 200 keyeyê rojnameger û siyasetmedaran. Netîceyê eştişê serê keyeyan de bi desan kesî amebî tepiştene. Sey xeylê mehkemayê sîyasîyan qeraro keyfî yê ‘endamîya rêxistîne’ na mehkema de zî bî mehneya tewqîfkerdişan.

Babete ser o Sereka Pêroyî ya Partîya Kede (EMEP) Selma Gurkane qisey kerde û dîyar kerde ke operasyonê siyasî xerîtaya hukmatî vejeno raşte.

Şertê winasî de amadekarî keno

Gurkane qiseykerdişê xo de wina va: “Îqtîdaro siyasî seba ke barê krîzê ekonomî bikero milê karker, kedkar û şaran, seba ke îqtîdarê xo yê yewşexsî bi asanî rayir bibo, peymeyê pelçiqnayîşê siyasî zêde kerdo. Hukmatê AKPyî şert û mercê krîzê ekonomî û pelçiqnayîşê siyasî de amadekarîya weçînayîşê herêmî keno.”

Erdogan hedef nîşan dano

Gurkane qiseykerdişê xo de reaksîyon nîşan daye operasyonan û wina dewam kerde: “Erdogan weçînayîşê herêmî ra ver HDPyî hedef nîşan dano û vano ‘eke şaredarîyan qezenc bikerî zî ma do qayûman tayîn bikerî.’ Nê watişî nîşan danî ke weçînayîş veng o. Badê nê watişan operasyon dîya dest pêkerdiş û xerîtaya hukmatî vejîya raşte. Ganî hêzê aştî û demokrasîye weçînayîşê herêmî de sey parçeya têkoşînî bibî.” Stenbol

Dikarî Biecibînî