Ma xover danî û do pîya awan bikerî

Eşîrê ereban yê herême ke destê çeteyanê DAÎŞî ra zaf dejî antî, nika binê serbanê Meclîsê Eskerî yê Dêra Zorî de operasyonê hemverê DAÎŞî de ca gênê. Rayberê eşîran yê herême ke qisey kerdî vatî ê sey şarê herême binê serbanê HSDyî de bîyê yew û na yewîye taktîkkî nê stratejîk a. Rayberê eşîra Şihêtatî Necîm Necrîso ke lajêk ci hetê DAÎŞî ra kişîyayo, Hisêl Eyd El Behrûz ke serekê eşîra Dilêmî yê nizdê şaristanekê Ebû Kemalî yê sînorê Iraq-Sûrîye yo û Serekêko bîn ê eşîra Şihêtatî Ebdulbasit Elî qisey kerdî.

Rayberê eşîran wina vatî: “Xeylî hêzê ameyî şaristanê ma, la ma ê qebûl nêkerdî. Nika HSD ameyo û ma atmosferêkê demokratîkî mîyan de ciwîyenê. Înşalah gama bajarê ma bi temamî azad bibo ma do hîna çîyanê rindan bikerê. Ma sîstemê xo yê zereyî, şaredarîya xo û sîstemê xo yê huqûqî hêdî hêdî awan kenê. Zafaneyê erdê ma bi fedakarîya HSDyî çeteyan ra ameyo pakkerdene û badê ke DAÎŞ bi temamî bêro qedênayene ma do şaristananê xo reyna awan bikerê. Nika HSD erdanê ma azad keno.” DÊRE ZOR

Dikarî Biecibînî