Wa welatanê xo de bêrî cezakerdene

Seke yeno zanayene aşma Tebaxe ya 2014î de çeteyanê DAÎŞî ke qirkerdişê êzidîyan de ca girewtbi welatanê cîya-cîyayan ra yenî. Federasyonê Heqê Merdiman yê Mîyanneteweyî (FIDH) û Rêxistina Komelê Sivîlî ya Kînyatî bi eşkerayîyêka derheqê qirkerdişî de raporêk vila kerd û waşt ke çeteyê ke Şengal de kurdê êzidî qir kerdî, wa welatanê xo de bêrê cazakerdene.

Ame vatene ke bi hezeran cinî û qijî hetê çeteyan ê DAÎŞî ra ameyî remnayene û xeylî qijê camêrdî kampanê çeteyan de bi îdeolojî yê înan ameyî perwerdekerdene. Goreyê raporî çeteyan ê DAÎŞî ke qirkerdişê Şengalî de ca girewtebi înan ra zafê ci welatanê Ewropa, pêro pîya 33 welatan ra ameyî.

Eşkerayî de dîya zanayene ke temamî de 6 hezar 800 cinîyê êzidî ameyî remnayene. Vengdayîş de welatanê Ewropa ra ame waştene ke wa heme hemwelatijê Ewropa yê çeteyan ê DAÎŞî tena sucê terorî nê sucê qirkerdişî ra bêrê cezakerdene. BRUKSEL

Dikarî Biecibînî