Polîsî timî erzenî keyeyê aye ser

Seke yeno zanayene 9ê Teşrîna verêne de merkezê ci Amed û 9 bajaran de netîceyê bi ‘gereyo nimte’ operasyonê qirkerdişê siyasî yê AKPyî dîyabî dest pêkerdiş û bi desan kesî ameybî tepiştene. Netîceyê eştişê serê keyeyan de mîyanê înan de rojnameger, siyasetmedar û xeylê kesî ameybî tewqîfkerdiş. Babete ser o rojnamegera ke ameybî tepiştiş Esra Solîn Dale qisey kerde.

Dale reya yewin wextê vilakerdişê rojnameyê Azadiya Welatî ke bi Qerarnameyê Hukmê Qanûnî (KHK) ameybî padayîş de tewrê 27 embazanê xo tepişîya û badê îfadeyê mudirî serbest vera dîyaye. 11ê nîsana 2017î de hêrişê bombeyî ra dima polîsî eştî keyeyan ser û reyna Dale berdî. Sewbîna 21 Adara 2018î de roja Newroze de polîsî bi mehneya îxbarî aye berdî û reyna vera dayî. Dale tewr peynî zî operasyonê 9ê Teşrîna verêne de ameye tepiştene û reyna vera dîya.

To kamî ra talîmat girewt?

Dale qiseykerdişê xo de dîyar kerde ke Amed de çi operasyon bibo erzenî keyeyê aye ser û wextê îfadegirewtişî de aye ra persîyaya ke talîmat kamî ra girewta. Dale daye zanayene ke rojnamegerî suc nîyo û qanûnan de çîyêk winasî çin o. AMED

Dikarî Biecibînî