Mehkema nêeşka sucek peyda bikera

21ê êlula 2015î de bi mehneya parlementerên HDPyî yê verên Leyla Bîrlîk, Ferhat Encu û Mehmet Alî Aslanî serê rayîrê Şirnex-Qilebanî de dewa Dagkonakî ra noqtaya leşkerî derbaz kerdî û serkêşîya çalakîya ‘mertalê ganî’ kerdî, hetê Dozgerîya Komarî ya Şirnexî ra derheqê înan de tehqîqat ameybî dest pêkerdene. Her çiqas ke parlementerî bi destûrê leşkerî nuqtaya leşkeran derbaz bikerî zî, reyna bi mehneya ‘şîyayîşê herêma qedexe ya leşkerî’ derheqê înan de îdîaname ame akerdene û îdîaname de ame waştiş ke mabenê 2-5 serran de ceza bidîyo parlementeran. Îdîaname 14ê nîsana 2017î de hetê Mehkemaya Cezaya Aslî ya Şirnexî ra ame qebulkerdene.

Badê 6 roniştişî Mehkemaya Cezaya Aslî ya Şirnexî bi mehneya suc bedilîyayo, dosya erşawite 2. Mehkemaya Cezaya Giran ya Şirnexî. Avûkatê parlementeran Şivan Cemîl Ozenî îtiraz kerd, labelê 1. Mehkemaya Cezaya Giran ya Şirnexî îtirazê Ozenî red kerde. 2. Mehkemaya Cezaya Giran ya Şirnexî zî dosya erşawit Mehkemaya Îstinafî ya Dîlokî. AMED

Dikarî Biecibînî