DAD ra mesajê Kalo Gaxandî: Wa umit û xîret biyaro

Komeleya Elewêyê Demokratîke (DAD) derheqê roşanê Kalo Gaxandî û serrnewe de mesajêk daye û va: “Kalo Gaxandî wa umit û xîret biyaro.”

Seba serrneweya 2019î mesajî yenî û nê mesajan ra yew zî yê Komeleya Elewêyê Demokratîke (DAD) yo. DADî mesajê xo yê Kalo Gaxandî de seba pêroyê cemaatî umit û xîret waşt û dîyar kerd ke serrnewe ya 2019î wa pêroyê cemaatî rê umit û xîret biyara.

Mesaj de wina ame vatiş: “Ma rojanê Kalo Gaxandî ra derbaz benî.  Seba şarê elewî roje û roşan o. Serra 2018 seba şarê Mezopotamya bîye serra tecrîd, şer û têkoşînî. Cografyaya ma de rîyê cuye nêameyo cuyayîşe, la umidê be qat bi qat xurt bî. Rayîro Heq hêz dano xîretê merdiman. Nehaq dewrê xo domaneno, barê awankerdişê berpirsîyarîya Raşteyê Heqî dîyayo milê ma ser. Ma no berpirsîyarî û umidî de roşanê Kalo Gaxandî yê heme kesan bimbarek kenî û ma umid kenî ke heme kesan rê umid û xîret bîyaro. Lîlikê ma Heq, Hetkarê ma zî Xizir bo. Gaxana sima bimbarek bo.” BRUKSEL

Dikarî Biecibînî