Derheqê pêrodayîşanê peyênan de kombîyayîş ame viraştiş

Derheqê pêrodayîşanê peyênan yê Rojawan û Vakurê Sûrîye de seba HPC û HPC-JINî kombîyayîşêk ame viratiş. Kombîyayîş de ame vatiş ke seba ke hemverê dagirkerî de têkoşînêk xurt bêro meşnayîş ganî yewî esas bêro girewtiş

Derheqê rewşa peyênan û tehdîdanê Erdoganî yê serê Rojawan û Vakurê Sûrîye de kombîyayîşêk ame viraştiş. Kombîyayîş dewa Xera ya Koyê Kizwanan ya girêdayeyê bajarê Til Temirî ya Kantonê Hesekê de pê ame. Kombîyayîş endam û rayîrberanê HPC û HPC-JINî ra pê ame. Kombîyayîş badê deqeyêk rêzgirewtişî dest pêkerd û dima ra qiseykerdiş ameyî kerdiş.

Qiseykerdişan de wina ame vatiş: “Şorişê Rojawanê Kurdistanî bi gonîya şehîdanê azadîye serkewt. Pêroyê raşteyê cuye de xorêxistinkerdiş ame kerdiş û tesîrê xo pêroyê dinya ser de kerd. Amerîka 2014î de piştî daye YPGyî û nika zî qerar daya ke xo bianca. Ma bi hêzê şarê xo yê şorişger û hêzê xo yê fedayî ra bawer î. Cok ra çiqas ma tena vera bidî zî ma do xover bidî.”

Peynîya qiseykerdişan de veng dîya pêroyê şar û taybet zî cinîyan ke xo perwerde bikerî û hêzê xo yê cewherî xurt bikerî. HESEKÊ