Esnafê Dêrsimî hemverê krîzî de xover danî

MERKEZÊ XEBERAN

Esnafê Dêrsimî derheqê krîzê ekonomî de qisey kerdî û dîyar kerdî ke serra 2018î de krîzêko xorî ame cuyayîş û do no krîz 2019î de ver bi rijnayîşî şêro

Seke yeno zanayene Tirkîye de krîzê ekonomî yeno cuyayîş. Esnaf û pêroyê hemwelatîyan hemverê krîzî de xover danî û zafê esnafan krîz vera kepenganê dikananê xo padayî. Rewşa herînayîşî ya heme kesan qedîyaya û esnafî qet rotiş nêkenî. Esnafê Dêrsimî dayî zanayene ke rojek de sirfetih daxî nêkenî û dikanê xo padanî. Sûka Padaye ke aşmanê hamnanî de tadîlat de bîye ra rewşa krîzî baş asîyena.

Esnafî qiseykerdişê xo de wina vatî: “Rewşa herînayîşî ya heme kesan qedîyaya. Ma sirfetih daxî nêkenî. Aşmanê hamnanî sûke padaye bî û nika zî qet kar çin o. Rewşa niyîn ya welat de wexto ke merdim hemverê kamerayan de qisey keno çî yenî serê merdimî. Cok ra merdim nêeşkeno qala rewşe bikero. Esnafî prosesêko xidarin ra derbaz benî. Welat de çîyo ke vaye nêbîyo nêmedo. Welatêko tede enerjî vaye bibo de berardiş nêbeno. Beno ke 2018 rojê ma yê baş bî. Ma gore do 2019î de rijnayîşêk bibo. Eke ma pîya hemverê ekonomî û sosyalî de xover bidî, ma do serkewte bibî.”