NYT: Tirkê dewlemend û hunerin welat teriknenî

Rojnameyê New York Times yê Amerîkan derheqê ‘Tirkîye ra koçkerdişê teberê welatî’ resa hûmaranê rekorin. Goreyê xebere koçkerdiş dest pêkerdo û sebebê koçkerdişan sey ‘bêûsulî û zêdebîyayîyê otorîte’ ame nîşandayîş

Sernameyê xebera ke ameye weşênayîş wina yo ‘Tirkê ke raştê heqaretê Erdoganî yenî, mal û hunerê xo zî gênî û bi hawayo komî welat teriknenî.’ Xebere de bale ancîya profîlê kesê ke welat teriknenî ser û ame vatiş ke xeylê kesî Yewnanistan, Portekîz û Spanya ra mulk herînenî û bi rayîrê herînayîşê mulkî koç kenî. Xebere de Holdîngê Yildizî sey numune ame nîşandayîş û wina ame vatiş: “Awanbîyayîşê welat ra nata reya yewino ke kes û keyeyê ke rayîr danî kultur û karî Tirkîye teriknenî.”

Xebera rojnameyê New York Timesî de qala dayeyê Tirkîye yê Cigêrayîşê Koçê Bîyayîşê Kureselî  (Global Wealth Migration Review) zî ame kerdiş. Goreyê dayeyan mabenê serranê 2016-2017î de Tirkîye de se ra 12ê dewlemend û mîlyoneran tewrê serwetê xo koçê teberê welatî kerdî. Goreyê dayeyê Dezgeyê Îstatîstîkî yê Tirkîye (TUÎK) zî serra 2018î de goreyê serranê verênan koçkerdiş se ra 42 hîna zêde bî û 253 hezar û 640 kesî Tirkîye ra koç kerdî. WASHINGTON