Hunermend Atli bi deryan şewe geş kerd

Hunermend Mehmet Atliyo ke bi veng û deyranê xo yê weşikan yeno zanayîş Mordem Hunerî de konser pê ard û bi deyranê kirmanckî û kurmancî şewe xemilîya

Mordem Hunero ke taxa Dîclekent yê Amedî de xebatê xo yê hunerî rayîr beno de konserê hunermend Mehmet Atliyî pê ame. Xeylê muzîkjenhesî ameyî konser û deryan goşdarî kerdî. Atliyî bi ekîbê xo yê muzîkî vejîya sahne û bi vengê xo yê weş deryanê tewir bi tewiran vat. Salona konserî de vengê kurdî berz bî. Hunermend Atliyî nizdîyê 20 deyranê kirmanckî û kurmancî vat û şewe bi geş bî.

Hemwelatîyê nakaratê deyranê Atli dibare kerdî û vengê çepikan û awazê deryan kewtî têmîyan.  Wexto ke Atli konser peynî kerd, hemwelatîyî bi çepikan weriştî payan ser. AMED