Semra Guzele: Qezencê kurdan heme kesan tersnenî

Semra Guzela HDPyî qala Rojhelatê Fitarî ra ancîyayîşê DYAye û operasyonê AKPyî kerde û va: “Qezencê kurdan heme kesan tersnenî. Mesayîya Tirkîye û Rûsya dest pêkerda. DYA biwaza zî heme cade nêeşkena ewja ra vejîya. Nika lêyminîyek esta. Faktorê Îranî zî muhîm o. Pêvînayşê Tirkîye û DYAye do tay çîyan net bikero.”

Parlamentera Partîya Demokratîke ya Şaran (HDP) ya Amedî Semra Guzele qala prosesê badê qerarê ancîyayîşê DYA yê Sûrîye ra kerde. Guzele qiseykerdişê xo de wina va: “Tirkîye de atmosferê sîyasî halê cîya cîyayan vejena teber. Netîceyê ke vejîyenî raşte zî xeylê çîyan nîşan danî. Wexto ke merdim ewnîyeno prosesê sîyasî pêroyê pêrodayîşê Kurdistanî zelal asenî. Yeno waştiş ke kurdan sîyasetêko têmîyan reyde bîyarî rî bi rî. AKP polîtîkayek xorî meşneno.”

Zîhnîyetêk yeno awankerdiş

Semraye dewamê qiseykerdişê xo de bale ante îqtîdarê AKPyî yê 16 serran ser û wina dewam kerde: “16 serrê peyênan de şikîyayîş zêde bîyî. AKP bi mîsyonek narsîst vejîyeno rayîr û qala bîyayîşêko newe keno. No bîyayîş zî serê zîhnîyetê înkarkerdişê şaran, dişmenîya cinîyan, ekonomîya girêdayeyê înan û şerî ra yeno awakerdiş. Zîhnîyetêk yeno awankerdiş û cok ra zî lazimî bi krîzî esta. Serê krîzan de zî ters awan kenî.”

AKP zaneno ke eke bivindero do birijo

Sermaye tewr peynî înan arde ziwan ser: “Krîz benê sebebê pelçiqnayîşê waştişê komelî. Nameyê tarîtîya ke vejîyena raşte faşîzm o. AKP zaneno ke eke bivindero do birijo. Cok ra bêmaben hêriş keno. eke wina nêkero do çin bibo. Tarîx de timî kaos ameyo cuyayîş. Dewletî sere de verê xo dayî kurdan û hemverê kurdan de dişmenîyêko zêde esto. Dewlete bi dagirkerdiş û vatişê heyfgirewtişî waştişê emperyalîstan ana ca. Numuneya tewr baş zî Afrîka ya. Qezencê kurdan heme kesan tersnenî. Mesayîya Tirkîye û Rûsya dest pêkerda. DYA biwaza zî heme cade nêeşkena ewja ra vejîya. Nika lêyminîyek esta. Faktorê Îranî zî muhîm o. Pêvînayşê Tirkîye û DYAye do tay çîyan net bikero.” AMED

Dikarî Biecibînî