Emserr serrgêra 23. yê qetilbîyayîşê Goktepeyî yo

Merkezê Xeberan

Rojnameger û Muxabîrê Evrenselî Metîn Goktepeyî 23 serrî verê cû hetê polîsan ra binê çiman de ame îşkencekerdiş û qetilkerdiş. Emserr serrgêra 23. yê qetulbîyayîşê Metîn Goktepeyî yo.

Metîn Goktepe qetilbîyayîşê xo yê 23. de yeno vîrardiş. Rojnameger û Muxabîrê Evrenselî Metîn Goktepeyî wexto ke karê xo ser de bî hetê polîsan ra ame tepiştiş û binê çiman de ame îşkencekerdiş. Goktepe bi kutişê binê çiman de ame qetilkerdiş. Emserr serrgêra 23. yê qetilbîyayîşê Goktepeyî yo û Goktepe do serê mezelê xo de bêro vîrardiş.

Rojnameger û Muxabîrê Evrenselî Metîn Goktepeyî seba ke tewrê merasîmê cenazeyî yê hepsîyê binameyê Orhan Ozen û Riza Boybaşî ke 8ê çeleyê 1996î de Zindanê Tîpa Eyî yê Umranîye de ameybî qetilkerdiş bibo, şîbî Alîbeykoyî. Goktepeyî  ewja de hetê polîsan ra ame tepiştiş û berdî Salona Sporî ya Padaye ya Eyupî. Goktepeyî ewja de kutiş û bi îşkence amebî qetilkerdiş.

 

Dikarî Biecibînî