Fîlîpîn de tefûduman werişt: 126 kesî merdî

MERKEZÊ XEBERAN

Fîlîpîn de tefûduman werişt û hûmara merdeyan resa 126 kesan

29ê kanûna 2018î de merkezê Fîlîpînî de tefûduman werişt û qeraxê rojhelatê welatî de laser virazîya û erd cayê xo şeqîya. Selahîyatdarê Fîlîpînî derheqê tefûduman, laser û şeqayîşê erdî de îzet dayî û dîyar kerdî ke hûmara merdeyan vejîyaya 126 kesan. Ame zanayene ke merde tewr zêde herêma Bîcolî yê başûrê rojhelatê Manîlayî de bîyî û tena Bîcolî de 100 kesî cuya xo vindî kerdî.

Îzehet de ame vatiş ke tefûduman vera 152 hezar merdimî mecbur mendî ke ca û warê xo ra bivejîyî û tewr tay 75 merdimî birîndar bîyî. Goreyê dayeyan serrîyêk de qasê 20 reyan Fîlîpîn de tefûduman wirzeno û beno sebebê mergê bi seyan kesan. Teşrîna peyêne ya 2013î de zî tayfunê Haîyan weriştbî û sey tayfunê tewr dijwar yê tarîxê Fîlîpînî ameybî binamekerdiş. Tayfun vera zêdeyê 7.350 kesî cuya xo vindî kerdbî û birîndar bibî.

 

Dikarî Biecibînî