Derheqê Meral Daniş Beştaşe de fezleke ame amadekerdiş

Parlamentera HDPyî ya Sêrtî Meral Daniş Beştaşe de qiseykerdişê xo yê mitîngê Newroza Wanî yê 2018î  vera bi waştişê destnêdayîşê aye bêro wedarnayîş derheqê aye de fezleke ameye amadekerdiş

Derheqê Parlamentera Partîya Demokratîke ya Şaran (HDP) ya Sêrtî Meral Daniş Beştaşe de qiseykerdişê aye yê Newroza Wanî ya 2018î vera fezleke ameye amadekerdiş. Serdozgerîya Komarî ya Wanî bi îdîaya Merale ‘propaganda rêxistine kerda’ waşt ke destnêdayîşê aye wedarîyo.

Derheqê qiseykerdişê Merale ya ke serê tecrîdê serê Abdullah Ocalan û operasyonê vera Efrînî de kerdebî de fezleke amî amadekerdiş û ame waştiş ke destnêdayîşê aye bêro wedartiş. Fezleke seba pêşkêşê TBMMî bêra kerdiş eşrawitî  Wezaretê Dade.

Verê zî fezleke ameybî amadekerdiş

Derheqê Merale de wextê verê zî wexto ke parlamentera Edenî bî, seba ke fotografê parlamenterê tepişnayeyan pare kerdebî bi îdiaya propagandayê rêxistine kerda fezleke amî amadekerdiş. Merale 30ê Çele 2017an de Amed de amî tepiştiş û amî tewqîfkerdiş. Merale 3 aşmî hepisxane de mende û Nîsane de serbest amî veradayîş. Derheqê Merale de îdianame ame amadekerdiş de 3 sûcê cîya heta 23 serran ceza amî waştiş. WAN

 

Dikarî Biecibînî