Qetilkerdişê bizê ke Dêrsim de pîroz yenî vînayîş dewam keno

Seydvanî yew aşmîyo ke koyanê Dêrsimî de bi desan bizê koyî kiştî. Rojanê verênan de qezaya Pulumurî ya Dêrsimî de xeylê bizê pîrozî ameyî kiştiş û bizo ke rayîro pîl yê Erzinganî de ame dîyiş girîya binê tedawî.

Her çiqas ke herême de seydvanî qedexe bibo zî kesê ke nînê zanayene mewkîyê Mutu yê qezaya Pulumurî ya Dêrsimî de seydwanî kenî û bizê ke girîyayî binê pawitişî qetil kenî. Bizo ke bi saçmeyan milê xo ra birîndar bibî, hetê dewijan ra ame diyîş û dewijî seba bizî seferber bîyî. Dêrsim de bizê koyî pîroz yenî vînayîş û kesê ke panayî bizan bi wesayît remayî. Kesê ke nizdîyê cayê hedîse bî vazdayî hetkarîya bizî û seba vindarnayîşê gonîye hewl dayî. Biz badê mudaxaleyê yewin teslîmê ekîba Mudirîya Şûbe yê Parkanê Mîllî û Pawitişê Xozayî yê Erzinganî ame kerdiş.

Ame zanayene ke biz ameyo amelîyatkerdiş û seba qedexekerdişê seydvanî xebat yenî kerdiş. Derheqê babete de Komeleya Dewa Saribudakî û Kayirliyê Pulumurî îzehetêk dayî û qetilkerdişê heywanan şermizar kerdî. Îzehet de seba teşhîrkerdişê nê kesanko û têkoşînêko hempar veng ame kerdiş. DÊRSIM