Santralê termîkî hem zirar danê xoza hem danê merdiman

Santralê Termîkî yê Sîlopî ke girêdayê Koma Cînerî yo, bi metodê karkerdişê madenî yê akerde bi serran o mintiqaya Koyê Cudî de asfalt vejeno û no zî rayîr ver qirkerdişê xoza akeno. Seba madenî 2 qilê tewr pîl ê mintiqa ver çinbîyayîşê yê.

Santralê termîkî yê aîdê Koma Cînerî yê bi nêzdiyê hukmatî yeno zanayîş, Sîlopî yê Şirnexî de beno sebebê qirkerdişê xoza. Santral mabêne bajarok ê Gite û Bêspînî yo. Wirdî girê tewr pîl yê Cudî ke her sere seba operasyonan şewatê tewr pîl vejîyenê verbi çinbîyayîşî yo. Warê koyî roj bi roj çin benê û teqnayîşê mintiqa kewtî ver qeydan.

Warê cuya ganeyan amî çinkerdiş

Her qilê ke falîyetê madenî serra 2008an heta nika meşnenê, xeylê darî ci ameyê birnayîş. pezkovî û xoz zî tede warê cu xeylê ganeyî ameyî çinkerdiş. Xebaten de bi seyan kamyon û kepçe yenê xebitnayîş û warê madenî roj bi roj hîra benê. Bêmabên dînamît yenê teqnayîş.

Verê santralî de zî termîk de bi seyan wendekarî perwerde vînenê

Verê santralê Termîkî de ocaxê madenî estê û nê zî zirar vila kenê di qat zêde keno. Verê uca de wendegehêke esto û no zî beno sebebê xetereyî pîl. Şarê Sîlopî zî dîyar kenê cinîyê digane bebikan ê xo vindî kenê û hûmara kesê ke krîzê qelbî derbaz kenê zêde yo. Lojine asîtî zî wexto ke resnenê erd, daristan û heywan î texrîbatêke cidî vînenê. Ame zanayîş ke nêweşîyê rîşa merdimwere û qelbî xeylê zêde bîyê. ŞIRNEX