Goktepe serrgêra 23. de yeno vîrardiş

Merkezê Xeberan

Rojnameger û muxabîrê rojnameyê Evrenselî Metîn Goktepe seba şopnayîşê merasîmê cenazeyê di kesê ke zindanê Ûmranîye yê Stenbolî ameyî kiştiş şî qezaya Eyûbî û hetê polîsan ra ame tepiştiş. Polîsî Goktepeyî berdî Salona Werzîşî ya qezaya Eyûbî û ewja de bi perodayiş û îşkenceyê polîsan ame qetilkerdiş. Emserr serrgêra 23. yê qetilbîyayîşê Goktepeyî yo.

Rojnameger û muxabîrê rojnameyê Evrenselî Metîn Goktepe 8ê Çeleyê 1996î de hetê polîsan ra ke rojnamegerî kerdêne, ame tepiştiş. 1996î de zîndanê Ûmranîye yê Stenbolî de di kesî amebî kiştiş. Goktepe seba merasîmê cenazeyan bişopno şibî Alibeykoyî. Polîsî ewja de destûr nêdanî ke Goktepe merasîmî bişopno. Seba ke Goktepe israr keno, polîsî ci tepişenî û nizdê hezar kesî reyde ey benê Salona Werzîşî ya qezaya Eyûbe. Goktepe ewja de bi perodayiş û îşkenceyê polîsan yeno qetilkerdiş. Emserr serrgêra 23. yê qetilbîyayîşê Goktepeyî yo. seba Goktepeyî nê saetan de Goristanê Kemer yê Esenlerî de organîzasyonê vîrardişî yeno kerdiş.

Badê qetilkerdişê Goktepeyî tehqîqat dîya dest pêkerdiş û 19ê adara 1998î de qerar ame aşkerakerdiş. 11 polîsan ra 5ê ci sucdarîya ‘bi qestî bîyî sebebê mergî’ 7 serrî û 6 aşmî cezaya hepsî dîya. 1. Daîreya Cezaye qerar xira kerde û doze newe ra ame akerdiş. 6ê gulana 1999î de roniştişê yewin yê doze de ceza dîya sewbîna 1 polîsî zî. Qerarê mehkema hetê yargitayî ra zî ae tesdîqkerdiş.