80 dewê Dêrsimî 1 aşmî yo ke bêcereyan î

Merkezê Dêrsim û qezayanê ci de 80 dewî yew aşmîyo ke bêcereyan î û varayîşê vewre vera rayîrê dewan padayeyî. Hemwelatîyî waştî ke problemê înan bêrî çareserkerdiş û serekê şaredarîyê qezayan zî vatî ke dîrekê cereyanan nîmê tamîrkerdiş

Dewê merkezê Dêrsimî û qezayanê ci de varayîşê vewra zêde tesîrêko negatîf cuya hemwelatîyan ser de kerd. Varayîşê vewre vera rayîrê 206 dewan padayeyî. Seba ke xetê cereyanî xisar dîyî 80 dewê merkez û qezayan de yew aşmî yo ke cereyan o.rayîrê 36 dewê merkez, 38 dewê Pîlemûriye, 11 dewê Pêrtagî, 29 dewê Pulurî, 21 dewê Qisle, 49 dewê Mazgêrdî û 22 Xozatî zî mîyan de pêropîya rayîrê 206 dewan padayeyî. Hemwelatîyî reaksîyon nîşanê bêvengîya komeleyê wezîfedar û çaresernêkerdişê probleman dayî û waştî ke bi hawayo lez problemê înan bêrî çareserkerdiş. Serekê şaredarîyê qezayan zî vatî ke dîrekê cereyanan teralîyê îdarekaran vera nîmê tamîrkerdiş. DÊRSIM