Doktoro ke vîdeoyê nêweşan ant serbest ame veradayîş

Merkezê Xeberan

Doktoro ke Îzmîr de muayeneyê çije de vîdeoyê cinîyan ant û sîteyêko embazîye de tewrê nameyê înan vîdeoyê înan weşêna bi şertê kontrolê edlî serbest ame veradayîş.

Hesîde bi hawayo tesaduf vizêr ame zanayîş. Kesê ke sîteyê embazîye de gêrayêne vîdeoyê ke odeya muayene de bi hawayo nimite ameyî antiş ferq kerdî. Ame zanayene ke vîdeoyê nimite odeya muayene ya Beşê Welidnayîşê Cinîyan ya Unîversîteya Dokuz Eylulî ya Îzmîrî (DEU) de ameyî antiş. Badê gerreyê kesêk doktor E.B.Ç.yo ke klînîkê Fakulteya Tipî DEU de wezîfe kerdêne hetê polîsan ra ame tepiştiş. Cinîya ke gerre kerde dîyar kerde ke no doktor muayene de vîdeoyê mahrem anceno û dima ra erzeno sîteyê embazîye.

Badê îfadedayîşî doktor bi waştişê tewqîfkerdişî sewqê mehkema ame kerdiş û saet 21.20î de bi şertê kontrolê edlî serbest ame veradayîş. Doktor E.B.Ç.yi do bı serkest bêro muhakemekerdiş.