Xoverdayoxanê Zîndanan ra Vengdayîşê Xoverdayîşî

Merkezê Xeberan

Xoverdayoxanê zîndanî derheqê grevê vêşanîye de eşkerayîyêk daye û waşt ke wa her kes veng bido çalakîyan û xoverdayîşî xurt bikero.

Bi nameyê tepişteyan ê ke grevê vêşanîye de yê Denîz Kayayî eşekrayîyêk daye û waşt ke wa veng bideyo çalakîyan û mucadele bêro girdkerdene.

Eşkerayîye ra tayî cayî wina yê: “Ma xeta îdeolojîk û felsefîkî yê Rayberîya xo de xoverdayîşê xo  domnenê û do çirey teslîm nêbê. Îqtîdaro faşîst ê AKPyî yo ke  bi hêrişan wazeno  îradeyê Kurdan teslîm bigêro do hemverê mucadeleyê Kurdan de vîn bikero.  Ma sey çemberê adirî  dormeyê Rayberîya xo de yê û sey têgêrayîş û şarî hîna organîzekerde yê. Ma do vera heme polîtîkayanê leyminan xo ver bidê û  çirey teslîm mebê. Ma sey tepişteyê PKK û PAJKî zîndanan ê Kurdistan û Tirkîye de 27ê Teşrîna peyêne de dest bi grevê vêşanîye yê bêdem bi agêrayîşî kerd û 16ê Kanûne de ra nata zî çalakîya grevê vêşanîye ya bêdem-bêagêrayîşî dewam kena. Ewro bi 171 embazanê xo ma grevê vêşanîye bêdem-bêagêrayîşî de yê. Reyna xeylî zîndan de grevê vêşanîye yê bêdem bi agêrayîşî zî dewam kenî. Çalakîya Leyla Guvene kewta roja xo ya 64ine. Çalakîyê ma ke bi waştişê wedartişê  tecrîdî serê Rayberîya ma yenî viraştene do heta bicaardişê waştişê ma dewam bikerê. Ma sey tepişteyê PKK û PAJKî veng danê heme hetanê demokrasî û vanê ke faşîzm tena bi yewbîyayîşî yeno rijnayene. Coka ganî heme hetê mûxalîfî hemverê faşîzmê Erdoganî de bêrê têhet. Nê şertan de weçînitiş xoverdayîş bewlî nêkeno, xoverdayîş weçînitişî bewlî keno. Seba şiktişê tecrîdî û rijnayîşê faşîzmî ganî ma pêro pîya organîzekerde tê bigêro û xoverdayîş xurt bikero.”

Dikarî Biecibînî