Vengdayîşê mîyanneteweyîye yê seba wedartişê tecrîdî

Merkezê Xeberan

Sîyasetmedar û rojnamegerê naskerdeyî zî tede 100 ra zafer kesan semedê wedartişê tecrîdê serê Ocalanî û hepsîyanê sîyasîyan veng da. Vengdayîşê de bale anciya serê Leya Guvena ke 65 rojî yo grevê vêşanîye de ya.

Nameyê sey Prof. Immanuel Wallerstein, Prof. David Graeber Prof. Norman Paech, Denis O’Hearn, Prof Kariane Westrheim, Isabel Kaesere zî tede 100 ra zafer kesan semedê wedartişê tecrîdê serê Rayberê Şarê Kurdî Abdullah Ocalanî û heme hepsîyanê sîyasîyan vang da.

Eşkerayîya vengdayîşê de ca dîya nînan: ‘‘Ma wayîrê nê îmzayan veng danê ke  dewlata Tirkî ya ke heme heqanê merdiman binpay kena û Ocalan û hepsîyanê sîyasîyan tecrîd kena, wa nê tecrîdê cade wedaro. Her şeklê tecrîdî çarçiwaya Qeydeyanê Mandela yê ke serra 2015î de hetê Neteweyê Yewbîyayeyî (NY) ra ameyî qebûlkerdene, qedexe yo. Goreyê nê qeydeyan pêdima 15 rojan ra dergêr roje de 22 saet kesêk rê temas nêkerdiş sey tecrîdê hucreyî yeno namekerdene.

Tecrîdê hucreyî serê Abdullah Ocalanî serra remnayîşê ey 1999î ra nata 20 serrî yo Îmrali de dewam keno û tecrîdo girdankerde yo ke ey ra qet xebare nêna girewtene kewto serra xo ya 3ine. No mabênê de serra 2015î de dimayê caverdayîşê prosesê aşitîye Tirkîye  şerê xo yê leşkerî xorî kerd û hemverê Kurdan de zextê xo zêdîna. Bi tewqîfkerdişê sîyasetkaranê rayberan ê Kurdan îdareyêko otorîter kewte dewre.

Parlamentera HDPyî ya cinî Leyla Guvena ke rixmê parlameterîya xo zîndan de yena tepiştene, semedê wedartişê tecrîdê serê Ocalanî  65 rojî yo grevê vêşanîye de ya û semedê paştdayîşî bi seyan hepsîyî zî kewtî grevê vêşanîye. Reyna bajarê Strasbourgî yê Fransa de 14 sîyasetmedarê Kurdan zî grevê vêşanîye de yê.

Zîndananê Tirkîye de hûmara hepsîyan resaya 260.000. Sazîyê heqê merdiman danê zanayene ke heqê hepsîyan yenî binpaykerdene. Çalakîya grevê vêşanîye ke hetê 150 ra zafêr hepsîyan ra yena kerdene, ziraro pîl dano weşîyê înan. Ma nê ke îmzayê ma cêr de yê, sey leteyêkê têgêrayîşê paştîdayîşî  veng danê ke wa peynîya bêedaletîya tecrîdî bêro. Ma wazenê ke semedê rumetê merdimîye û heqanê merdiman tecrîdê serê Abdullah Ocalan û heme hepsîyan wa cade bêro wedartene û grevê vêşanîye bêrî vindarnayene.”

Tu Dikari Biecibînî