Dosya ‘Leyla Guvene’ teslîmê rojnameyê HAZî ame kerdiş

Merkezê Xeberan

Cinîyê kurd yê Hîldesheîmî şîyî zîyaretê merkezê rojnameyê HAZî û dosyayê derheqê xoverdayîşê Leyla Guvene teslîmê înan kerdî.

Endamê Komunê Cinîyan ya Şehîd Meryeme bajarê Hîldesheîmî yê Almanya de şîyî zîyaretê merkezê rojnameyê Hîldesheîmer Allgemeîne Zeîtûngê (HAZ) û dosyayê derheqê xoverdayîşê Leyla Guvene teslîmê înan kerdî. selahîyetdarê rojname ra ame vatiş ke rewşa Leylaye merheleyêka krîtîk de ya. zîyaret de selahîyetdarê rojnameyê HAZî zî persan pers kerdî.

Neheqî bi heme cinîyan yeno kerdiş

Semra Gonena ke mîyanê koma zîyaretî de bîye badê pêvînayîşî qisey kerde û wina va: “Neheqîya ke bi Leyla Guvene yena kerdişe, ganî seke bi heme cinîyan yena kerdiş bêra hesibnayîş. Dewleta tirkî êdî qetilkerdoxê cinîyan a û edalet ra dûrî kewta. Vîtamînê tewr muhîmî nêdanî Leyla Guvene. Bi hawayo teberê merdimîye têgêrenî.”

Gonene tewr peynî dîyar kerde ke Leyla Guven erj û kamîya heme kesan a û veng daye ke wayîrvejîyayîşê çalakîya aye bêra kerdişe.

Dikarî Biecibînî