Herinda vînayîşê kerdoxan de dosyayê 3 kesê ke Silopî de ameyî qetilkerdiş padayî

Serdozgerîya Komarî ya Silopî dosyayê 2ê ci doman 3 kesê ke kuçeyê Silopî de ameyî înfazkerdiş, herinda vînayîşê kerdoxan û muhakemekerdişm înan de, dosya bi mehneya ‘faîlê înan nêameyî vînayîş’ qerarê cigêrayîşê daîmî da û eşt hetêk.

Qezaya Silopî ya Şirnexî de mabenê 14ê kanûnan 2015 û 19ê çeleyê 2016î de qedexeyê tebervejîyayîşê kuçeyan ameybî îlankerdiş. Qedexeyan de Mehmet Mete (10) û Aydin Meteyî (17) yê ke datîzayê yewbînan bî kuçe de ameyî înfazkerdiş. Omer Maslu (68) zî  wexto ke vejîyabî teber ameybî înfazkerdiş. Serdozgerîya Komarî ya Silopî derheqê hedîse de tehqîqat dabî dest pêkerdiş û herinda vînayîşê kerdoxan û muhakemekerdişê înan de dosya pada. Serdozgerîye dosya bi mehneya ‘faîlê înan nêameyî vînayîş’ qerarê cigêrayîşê daîmî da û eşt hetêk. Serdozgerîye qerar de tarîxê cigêrayîşî zî heta 9ê çeleyê 2014î dîyar kerde. ŞIRNEX