Mamosta Bahattîn bî aşxanedar

Zonguldak de Bahattîn Yilmazo (40) ke mamostayê tirkî yo û atamayê ci nêbî, cayo ke tede ame dinya û pîl bî de aşxane akerd. Yilmazî dîyar kerd ke o mamostayî ra zaf hes keno, la seba ke debara ci nêbî mecbur mend ke aşxane akero û va: “Mamostayî qismet nêbî. Cok ra mi dest bi esnafî kerd”

Bahattîn Yilmazî (40)  2005î de Unîversîteya Amasya beşa tirkî ra mezun bî. 3 serrî tê dima kewt îmtihanê KPSSyî, la reyna zî atamayê ci nêame kerdiş. Dima ra hetê birayê xo ke karê naklîye kerdêne de dest bi xebatî kerd. Yilmazî çend serran mamstayîya bi pere kerd, la ewnîya ke nêbeno û qerar da ke karê xo bikero. Mamosta Bahattîn Yilmazî badê xeylê ceribnayîşan aşxane akerd û 1,5 serrî yo ke karê xo keno. Yilmazî aşxaneyê xo de şorba û xeylê tewirê izgarayî pewjeno.

Bahattîn Yilmazî wina va: “Ez mamostayî ra zaf hes kena, la qismet nêbî. Ez mecbur menda û mi qerar da ke aşxane akera. Mi viraştişê şaman qet nêzanayêne. Yew aşxanedarêk ra ez viraştişê şorba musaya. Ez aşxaneyê xo de aşxanedarî kena. Mamostayî qismet nêbî. Cok ra mi karsazê xo akerd. Wendekarê mi yê kehen yenî. Wendekarêk mi niha hetê mi de xebetîyeno.”ZONGULDAK