Licê, Hezro û Karaz de qedexe ame îlankerdene

23 mehla û mezrayanê Licê, Karaz û Hezro de qedexeyê tebervejîyayîşî ame îlankerdene.

Qezaya Licê ya Amedî de mehlayanê Kayacik, Uçarli, Zîyaret, Esenler, Ortaç, Yalaza, Çavundur, Dolunay, Baglan, Kabakaya, Kutlu, Oyuklu  û mezrayê pabesteyî, qezaya Karazî de mehlaya Boyunlu û mezrayê ci, qezaya Hezro de zî mehlayanê Gozebaşi, Sarierik, Meşebaglari, Kavaklibogaz, Kirmataş, Terdoken, Çitlibahçe, Dadaş, Ormankaya û mezrayanê înan de saet  06.00 ra nata qedexeyê tebervejîyayîşî ame îlankerdene. Ame zanayene vero ke qedexe bêro îlankerdene herême de bi tewrbîyayîşê hêzanê taybetan operasyonêko eskerî ameyo destpêkerdene. AMED