Ocalan qalê Îmraliyî keno– II

“Şexsê mi de tena trajedîya şarê Kurdî ya aktuele nê, tenayîya zaf pîle ya tarîxê bilanetî, aletkerdişê înan tim seba komployan û ciwîyayîşê îxanetanê ke hewna nêameyê dîyene ancax bi nê îzahatanê dergan eşkenê bêrê roşinkerdene.”

Rayberê Şarê Kurdî Abdullah Ocalan sîstemê Îmraliyî zî sey perçeyêkê Komploya Mîyanneteweyîye vîneno. Ûca tena sey zîndanêk nê sey cayo ke modernîteya kapîtalîste şexsê ci de şarê Kurdî û şarê herême xo rê hedef girewto vîneno. Ocalan nûşteyan û pêvînayîşanê xo de nê sîstemî tehlîl keno, senî mucadeleyêkê pîlî hemverê nê sîstemî de dano îfade keno.

Kitabê Ocalanî yê bi nameyê ‘PAWITIŞÊ MHMEYÎ – DEWLETA SUMERE YA RAHIBAN RA VER BI KOMARA ŞARÎ’ de prosesê komploye û rastîya Îmraliyî bi eşkerayî arîyeno verê çiman. Ma qismê dîyinî pare kenê:

Ez nêkewena kompleks

Ma bi fikrê viraştişê platformêkê huqûqî yê demokratîkî ke Rojakewtene hemverê Rojawanî de û kulturê Rojakewtena mîyanêne zî hemverê medenîyetê Ewropa de waşt ke pawitişê xo virazê û tarîx rast bêro roşinkerdene. Naye ra ganî mi heqê xo yê heqê xo yê pawitişî yê MHMEyî bişuxulnayêne. Ez no fikro ke amac keno sîstemê olîgarşîkî yo ke hemverê espîrî û mentiqê ronayîşê Tirkîya de yo wedarno û endamîya Yewîya Ewropa rê zî bingeyê çareserîya demokratîke de havilan keno xelet nêvînena û nêkewena mîyanê kompleksî.

Ewropa cayêkê averî de ya. Heta Rojakewtene û Rojakewtena mîyanêne hetê dewlemendan ê Ewropa xo de bica nêarê nêeşkenê kulturanê xo de aver şirê. Ercanê YE goreyê faydeyê hêzanê komelkîyan parekerdiş nêno manaya hemkarî û hemverê nê de vindertiş zî nêno manaya averperwerî.

Trajedîya ke şexsê mi de amîya ciwîyayene şexskî bîyayîşî ra wet a

Seba ke êyê ke bîyê sebebê tepiştişê mi û no bica ard hêzê serdestî yê medenîyetê hemdemî bîyî, ganî mi pawitişê xo zî nê bingeyî de bikerdêne. Eke ma tena rastîyanê Tirkîya heta yê Rojakewtena mîyanêne bivînê do mumkun nêbo ke ma hemeyê rastîye bivînê. Senî çimeyê problemî medenîyetê Ewropa yeno vînayene ganî çareserî de zî sey çime bêro vînayene.

Miletperwerî, dînperwerî û dûrîbîyayîşê demokrasîye Ewropa rew ra hal kerdê, bîya sazîyêka serê neteweyîye û bena sîstemêko demokratîk ke cuya zafkulture û heqanê şexsan xo rê binge gêna. Ganî seba nê nizdbîyayîşê bingeyênî îzahatkerdişêko medenî bêro kerdene. Yewna sebeb zî trajedîya ke şexsê mi de amîya ciwîyayene şexskî bîyayîş ra wet a. Eke rastîya Kurdan rast bêro ercnayene do no problemo ke nika ra kewto rojdemê Ewropa zî bi hawayêkê rastî teşhîs bibo. No teşhîs eslê xo de wayîrê muhîmîya bewlîkerdişê qedera demokrasîya Tirkîya yo. Gama meseleyê Kurdan ser o munaqeşeyî yenê kerdene ganî sey hetêk ke nê meseleyî ardo na merhele pawitişêko hîra, zanistî û îzahetkerdox bêro kerdene.

Opsîyonê rojakewtena mîyanêne ya demokratîke stratejîk o

Seba ke coxrafyaya Kurdan nêbo Filîstîn-Îsraîlo dîyin no berpirsîyarîyêka pîle wazeno. Opsîyonê Rojakewtena mîyanêne ganî tim sey hedefêko stratejîk bêro ercnayene. Tirkîya ke hetê huqûqî ra girêdayeyê Peymannameya Heqanê Merdiman a Ewropa ya şexsê mi ra vêşêr halêkê pêroyîyî îfade kena.

Bi hezaran qerarê dewayan ê cîyayî rastekîn nêyê û ganî parlamentoya neteweyîye ra qanûnê ke lazim ê bêrê vetene. Tirkîya nê meseleyî de endama tena ya Konseya Ewropa ya ke îmza nêeşta binê madeyê heqê cuye. Prosesê YEyî de zî şertanê Krîteranê Kopenhagî bica nêana.

Lazimîya berpirsîyarîya tarîxîye

Wazenê ke dewaya min a şexsîye bidê lezkerdene. Heta eke Tirkîya biwazo ez wazena vajî ke çareserîya dostane rê zî akerde ya. Hetêkê pawitişî zî wazeno ke huqûqî seba çareserîya polîtîke biercno. Bi kilmî no muhîm o ke ganî herinda metodanê verênan ê eskerî û polîtîkan ê sertan peymeyê dewleta huqûqe bêrê bicaardene. Ez bi hawayêkê bidetayî ercnayîşê halê xo yê şexskîyî sey berpirsîyarîyêka tarîxîye vînena.

Trajedî ra vindere vatiş

Tayê halê dewa yê ke îhtîyacîya teknîkîye ya mehkema ra zaf wetêr ê ganî hetê xo yê edebîyatî ra bêro ercnayene, seba roşinkerdişê rastîyanê dewa no gureyêko şert o. Tena binpaykerdişê huqûqê mîyanneteweyî nê xeylî ercê moralî zî ameyî binpaykerdene û no zî bi sebeb ke ez pawitişî bi hawayêkê xorîyî bikerî. Şexsê mi de tena trajedîya şarê Kurdî ya aktuele nê, tenayîya zaf pîle ya tarîxê bilanetî, aletkerdişê înan tim seba komployan û ciwîyayîşê îxanetanê ke hewna nêameyê dîyene ancax bi nê îzahatanê dergan eşkenê bêrê roşinkerdene.

Pawitişo ke ez do bingeyê vervateyî de virazî do ci ra xeylî kemasîyî bêrê pawitene. Nê de kîşta tercîhanê serekeyan de hîrê serrî ra vêşêr Îmraliyî de tena mendiş û tesîrê na tenayîye ra vîr û ziwanî ser o tehrîbato ke virazîyayo zî esto. Parekerdişê dersanê ke mi cuya pratîke ya bêrehme ra vetî û kesifîya ke ez ciwîyena û nînan dormeyanê eleqedaran rê resnayîş do xizmetêkê rindî înan rê bikero. Bi nûştişê wextêkê dergî ra dima mi waşt ke nê gureyî bica biyarî. BEDÎNAN – ANF 

Do dewam bikero….