Aktivîsta Ingilistanî bîye dayîka manewî ya Leyla Guvene

Huqûqnasa Heqê Merdiman ya aktîvîsta Ingilistanî  Margaret Owena ke bi heyet teberê welatî ra ameye Amedî dîyar kedre ke aye wazena biba dayîka manewî ya Leyla Guvene û biba dapîra kênaya aye Sabîha Temîzkane.  Margaret wina va: “Leylaye cinîyêka bê qusûr a. Cok ra ez wazena biba dayîka manewî ya Leyla Guvene û biba dapîra kênaya aye Sabîha Temîzkane.”

Çalakîya vêşanîye ya Hemsereka Kongreya Komela Demokratîke (KCD) û parlamentera Partîya Demokratîke ya Şaran (HDP) ya Colemêrgê Leyla Guvena ke seba wedarnayîşê tecrîdo girankerde ke serê Rayberê PKKyî Abdullah Ocalanî de yeno meşnayene dabî dest pêkerdiş roja 68. de dewam kena. Heyetêk teberê welatî seba cigêrayîşkerdişê çalakîya Leyla Guvene û 256 hepsîyanê bînan ke ê zî grevê vêşanîye de yî ame Amed. Heyet 3 rojî verê temsîlkaranê partî û rêxistinan reyde pêvînayîş viraşt. Aktîvîst û Huqûqnasa Heqê Merdiman Margaret Owena Ingilistanî ke mîyanê heyet de ya, vizêr kênaya Leyla Guvene Sabîha Temîzkan reyde pêvînayîş viraşte.

Margareta ke Sabîhaye reyde pêvînayîş viraşte dîyar kerde ke aye çalakîya Leylaye ra xeylê tesîr bîya û va: “Ez wazena biba dapîra kênaya Leylaye Sabîha Temîzkane. Mi waşt ke ez cinîya bêqusur û çalakger bivîna. La destûr nêdayî. La mi kênaya aye Sabîha şinasna. Wextêk verê dapîra aye merdbî. Mi Saliha ra waşt ke ez biba dapîra aye û aye zî bı kêfweşî qebul kerde.” AMED