Trump: Eke Tirkîye bida kurdan ma do Tirkîye şerpeze bikerî

Serekê DYAye serê hesabê xo yê twîtterî de mesajêk pare kerd û bal ant tehdîtê dewleta tirkî yê serê vakur û rojhelatê Sûrîye ser. Trumpî va: “Eke dewleta tirkî hêrişê kurdan bikera, ma do Tirkîye şerpeze bikerî.”

Serekê Dewletê Yewbîyaye yê Amerîka (DYA) Donald Trumpî derheqê tehdît û hêrişanê dewleta tirkî yê serê vakur û rojhelatê Sûrîye de mesajêk newe pare kerd. Trumpî reya yewino ke twîtterê xo de cevabê tehdîtanê dewleta tirkî da û va: “Eke Tirkîye bida kurdan, ma do hetê ekonomî de înan şerpeze bikerî.”

Donald Trump serê hesabê xo yê twîtterî de mesajêk weşêna û va: “Wextêko ma derbê giranan danî cayê milkî yê xelîfetîya DAIŞî ro. Ma dest ancîyayîşê ke do lez pê biameyêne kerd. Eke reyna xo arêdayîş pê bêro, ma do bi ussanê xo yê bîyaye reyna hêriş bikerî. Eke Tirkîye hêrişê kurdan kurdan bikera, ma do hetê ekenomî de înan şerpeze bikerî. Ma do herêmêka asayîş ke 20 milan rap ê yena awan bikerî. Ma wazenê ke kurdî bi caardişanê xo Tirkîye provoke nêkerî. Yê ke çinkerdişê DAIŞî ra feyde herînayî, dişmenê esasî yê xozayî Rûsya, Îran û Sûrîye yî. Ma zî feyde herîna, la êdî wextê agêrayîşê leşkeran ame. Şerê ke peynîya înan nînê bivindarên.” AMED