Sebahat Tuncel û Selma Irmake dest bi grevê vêşanîye kenî

Hemsereka DBPyî ya Pêroyî Sebahat Tuncel û parlamentera HDPyî ya Colemêrgî ya kehen Selma Irmake siba ra dima dest bi grevê vêşanîye kenî.

Hemsereka Pêroyî ya Partîya Herêmê Demokratîke (DBP) Sebahat Tuncele û parlamentera Partîya Demokratîke ya Şaran (HDP) ya Colemêrgî ya kehen Selma Irmake zindan ra dîyar kerdî ke ê do hemverê tecrîdê serê Rayberê PKKyî Abdullah Ocalanî de siba ra dima dest bi grevê vêşanîye bikerî. Sebahat û Selmaye dîyar kerdî ke ê seba piştîdayîşê grevê vêşanîye yê Leyla Guvena ke 68 rojîyo seba wedarnayîşê tecrîdî grevê vêşanîye de ya dest bi grevê vêşanîye ken.

Îzeheto ke verê zindanê Kand ra de ame wendiş wina yo: “Çalakîya embaza ma Leyla Guvene 68 rojan xo dina vera daye. Xoverdayîş bi vilabîyayîşê zindanan dewam keno. Waştişê Leyla Guvene şexsî nê komelkî yo. Waştişê bi mîlyonan kurdan û kesê demokrasî wazenî yo. ma seba peynîkerdişê tecrîdî 15ê çeleyî de dest bi grevê vêşanîye kenî. Heta ke tecrîd bêro wedarnayîş çalakîya ma do dewam bikera. Ma veng danê heme hêzê demokrasî ke seba waştişê xoverdekaran bêrî qebulkerdiş têkoşîn bidî û piştî bidî.” STENBOL

Dikarî Biecibînî