ESP: Guvene heqdar a, ganî tecrîd wedarîyo

Rêxistina ESPyî ya Herême bale ante çalakîya grevê vêşanîye ya Hemsereka KCDyî Leyla Guvene ser û waşte ke tecrîdê Îmrali bi lez bêro wedarnayîş.

Rêxistina Partîya Sosyalîstanê Bindeste (ESP) ya Herême eşkerayîyêk nuştekî weşênaye û bale ante çalakîya grevê vêşanîye ya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena ke 69 rojiya Zindanê Tîpa Eyî yê Amedî de grevê vêşanîye de ya ser û piştî daye çalakîya Guvene. ESPyî eşkerayîya xo de qala pêvînayîşê 12ê Çele ke Ocalanî reyde ame kerdiş kerde û wina va: “Netîceyê pozîtîf çalakîya grevê vêşanîye ya Leyla Guvene vera vejîyayî. Hêdî hêdî netice dana. Komeleyê hereketê azadîya şarê kurd, temsîlkarê hepsîyan û parlementera ma Leyla Guvene bi îzehetêk cîya dîyar kerdî ke do çalakîya xo ra tavîz nêdî raybazanê meşgulkerdişî. Ganî pêvînayîşê Ocalanî reyde bêro akerdiş.”

ESPyî dewamê eşkerayî de wina va: “Ganî tecrîdo mutlaq yê Îmrali wedarî yo. Ma taleb kenê ke heqê huqûq, polîtîk û weşîya Ocalanî bêrî pawitiş û bidîyî binê asayîşî. Welatperwerê sosyalîstî sey vizêr do ewro zî bi ruhê têkoşînê yewbîyaye bi siloganê ‘Leyla Guvene heqdar a, ganî tecrîd bêro wedarnayîş’ xover bidî.” AMED