Bezreyê ke Çîn aşme de rona zîl dayî

Merkezê Xeberan

Îdareyê Fezaye yê Milî yê Çînî bi makîneyê fezayî Chang’e-4 bezreyê peme berd aşme û ame eşkerakerdiş ke bezreyê ke ronîyayî zîl dayîş. Na rewşe reya yewina ke madeyêko bîyolojîk aşme de reseno û seba raywanîya fezayî zî zaf muhîm a.

Îdareyê Fezaye yê Milî yê Çînî aşkera kerd ke bezreyê peme yê ke bi makîneyê fezayî Chang’e-4î berdî aşme zîl dayî. Reya yewino ke madeyêko bîyolojîk aşme de zîl dano û na rewşe seba merdimîye zaf muhîm a. Chang’e-4 makîneyêko bêmerdim o û 3ê çeleyî de bi hawayo serkewte pay da aşme ser. Chang’e-4 seba cigêrayîşkerdişê havzaya Aitkenî ke keweno başûrê aşme û sewbîna bi nameyê xo ‘Rîyo Tarî’ erşawîya aşme. Her çiqas ke heta nika xeylê fotografê Rîyo Tarî bêrî antiş zî heta nika vîşêrê Chang’e-4î ti makîneyêk tîya de nêameyo war. Makîne de seba cigêrayîşkerdişê jeoplîtîkê herême alet, bezreyê peme û kartolî ke herre de ronaye bî, maya û hakê mesê fekîya zî estbî. Îdareyê Fezaye yê Milî yê Çînî aşkera kerd ke reya yewino ke aşme de nebatêk reseno.