Hemserekê DADî Kulu: Waştişê Leyla Guvene waştişê ke bêrî bicaardiş ra yî

Hemsereka KCDyî û parlementera HDPyî Leyla Guvene 6 rojî yo ke grevê vêşanîye de ya. Hemserekê DADî Musa Kulu dîyar kerde ke waştişê Leyla Guvene waştişê ke bêrî bicaardiş ra yî û va: “Ganî waştişê aye bi hawayo lez bêrî bicaardiş. Mifteyê cuya pîya qebulkerdişê cîyayeyê yewbînan o. Ganî merdim cîyayeyê yewbînan qebul bikero.”

Hemserekê Komeleya Elewêyê Demokratîke (DAD) Musa Kuluyî derheqê grevê vêşanîye yê Hemsereka Kongreya Komela Demokratîke (KCD) û parlementera Partîya Demokratîke ya Şaran (HDP) ya Colemêrgî Leyla Gunena ke 69 rojî yo seba wedarnayîşê tecrîdo girankerde ke serê Rayberê PKKyî Abdullah Ocalanî de yeno meşnayene kewte grev qisey kerd.

Kulu dîyar kerde ke waştişê Leyla Guvene waştişê ke bêrî bicaardiş ra yî û va: “Ganî waştişê aye bi hawayo lez bêrî bicaardiş. Mifteyê cuya pîya qebulkerdişê cîyayeyê yewbînan o. Ganî merdim cîyayeyê yewbînan qebul bikero. Guvene heqdar a û hemverê talebanê heqin de bêvengbîyayîşê dewlete nîno qebulkerdiş. Her game de yeno vatiş ke Hz. Muhammed  vano ‘Qetilkerdişê merdimêk yeno mehneya qetilkerdişê pêroyê merdimîye.’ Ganî heme kes bizano ke roja ma ya ewro de merdim û dewlete bîyî kerr û lal. Na rewşe huqûq de çin a. Fikrê merdimî çi beno wa bibo tîya de qala cuya merdimêk yeno kerdiş. Ganî heme kesê bi ehlaq, wijdan û edalet reaksîyon nîşan bidî.”STENBOL