Grevê vêşanîye yê Hewlêrî roja 57. de yo

Grevê vêşanîye yê Hewlêrî ke seba şiknayîşê tecrîdo girankerde ke serê Rayberê PKKyî Abdullah Ocalanî de yeno meşnayîş dîyabî dest pêkerdiş hetê Temsîlkaranê HDPyî ra ame dewrgirewtiş û grev roja 57. de bi koma 29. dewam keno.

Herêma Kurdistan de çalakîyê grevê vêşanîye ke seba şiknayîşê tecrîdo girankerde ke serê Rayberê PKKyî Abdullah Ocalanî de yeno meşnayîş dîyabî dest pêkerdiş bêmaben dewam kenî. Grevê vêşanîye yê Hewlêrî hetê temsîlkaranê Partîya Demokratîke ya Şaran (HDP) ra ame dewrgirewtiş. Grev roja 57. de hetê koma 29. ra bêmaben dewam keno.

Çalakîya Endamê Meclîsê HDPyî Nasir Yagizî ke Hewlêr de seba eynî waştişan dabî dest pêkerdiş zî roja 57. de dewam kena. Yagizî heta nika 10 kîlo vindî kerd, problemê ci yê made, dejê sere û tansîyonî zî virazîyayî. Yagizî êdî girewtişê şimitişî de zî zehmetî anceno. Derheqê babete de Hemserekê Temsîlkarê HDPyî yê Hewlêrî Abid Îke wextê dewrgirewtişê grevî de qisey kerd.

Îkeyî qiseykerdişê xo de wina va: “Her çiqas ke rewşa weşîya Birêz Abdullah Ocalanî ra xebere bêra girewtiş zî hedefê ma wedarnayîşê tecrîdo girankerde ke serê Rayber Apo de yeno meşnayîş o. Cok ra heta ecrîd nêro wedarnayîş do grevê ma dewam bikero.”  HEWLÊR

 

Dikarî Biecibînî