Doza Ozgur Gundemî de qerar nêbedilya

Doza Ozgur Gundemî de qerarê domnayîşê rehîneyîya Kemal Sanciliyî ame dayene.

  1. roniştişê doza Rojnamegeranê Ozgur Gundemî yo ke bi Qerarnameyê Hukmê Qanûnî (KHK) amebi qefilnayene, 23. Mehkemaya Cezaya Giran ya Stenbolî de ame viraştene. Doza ke endama heyetê şêwirmendî yê weşanî nuştoxe Asli Edogane, ziwannasî-nuştoxe Necmîye Alpaye zî tede 9 rojnamegerî yenî muhakemekerdene û tena îdarekarê rojnameyî Kemal Sancili tepişte yo. Sancili bi sîtemê SEGBİSî tewrê roniştişî bi. Mudirê Karê Nuştişî  Înan Kizilkaya zî tewrê mehkema bi. Dozgerî  vat ke şikê remayîşê Sanciliyî esto û waşt tepişte bimano. Heyetê mehkema qerarê dewamê tepiştişî da û roniştişo bîn eşt 10ê Nîsane. STENBOL