Leyla Guven: Cuya ma tarîxêka adir ra ya…

Rêxistinê HDPyî yê Amedî serê hesabê xo yê twitterî de mesajê Leyla Guvene weşêna. Leyla Guvene mesajê xo de wina va: “Cuya ma tarîxêka adir ra ya. Tay ma ra do no adir de biveşî, la qetî vindî nêkenî, ê timî zerrîya şarê xo de yî.”

Rêxistinê Partîya Demokratîke ya Şaran (HDP) yê Amedî roja 72. ya çalakîya Hemsereka Kongreya Komela Demokratîke (KCD) û parlementera HDPyî Leyla Guvena ke seba wedarnayîşê tecrîdo girankerde ke serê Rayberê PKKyî Abdullah Ocalanî de yeno meşnayene kewte grevê vêşanîye, serê hesabê xo yê medyaya komelkî twitterî de mesajê Leyla Guvene weşêna. HDPyî bi siloganê #VengêWicdanLeyla mesajê Leyla Guven e “Cuya ma tarîxêka adir ra ya. Tay ma ra do no adir de biveşî, la qetî vindî nêkenî, ê timî zerrîya şarê xo de yî” pare kerd. AMED