Çalakîya grevê vêşanîye ya Guvene roja 73. de ya

Çalakîya Hemsereka KCDyî Leyla Guvena ke seba tecrîdkerdişê Rayberê PKKyî Abdullah Ocalanî peynî bibo dest bi grevê vêşanîye yê bêdem û bêanêgêraye kerdbî, roja 73. de dewam kena.

Çalakîya Parlementera Partîya Demokratîke ya Şaran (HDP) ya Colemêrgî û Hemsereka Kongreya Komela Demokratîke (KCD) Leyla Guvene roja 73. de dewam kena. Guvene seba wedarnayîşê tecrîdo girankerde dest bi girevê vêşanîye kerdbî û dima ra vîla bibî heme zindanan. Piştîdayîşê çalakîya Leylaye sere de zindanan, bajarê Fransayê Strasbourgî, Hewlêr, Galler, Toronto û xeylê cayanê Rojhelato Mîyanenî de dest pêkerd û her ke şono vila beno.

Hemsereka Partîya Herêmê Demokratîkî (DBP) ya kehen û parlamentera HDPyî ya kehen Selma Irmake zî Zindanê Kandra de dest bi grevê vêşanîye kerde û çalakîya aey zî roja 5. de dewam kena.

Leyla Guvene hemverê tecrîdkerdişê Rayberê PKKyî Abdullah Ocalanî de dest bi grevî kerdbî û waştişê aye wina yî: “Ganî tecrîdo ke sucê merdimîye yo bêro wedarnayîş. Wa Birêz Ocalan keye, avûkat û heyetê sîyasî reyde pêvînayîş bikero. Şertê ke Birêz Abdullah Ocalan bieşko seba çareserîya demokratîk û aştîye daîmî bikero bêro amadekerdiş û bicaardiş.” AMED

Dikarî Biecibînî