Çalakîya Leyla Guvene roja 74. de dewam kena

Çalakîya grevê vêşanîye ya hemsereka KCDyî û parlementera HDPyî Leyla Guvena ke seba tecrîdkerdişê Rayberê PKKyî Abdullah Ocalanî peynî bibo dest pê kerdbî roja 74. de dewam kena.

Hemsereka Kongreya Komela Demokratîke (KCD) û Parlamentera Partîya Demokratîke ya Şaran (HDP) Leyla Guvene seba ke bale bianca tecrîdê Rayberê Şarê Kurdî Abdullah Ocalanî ser 8ê teşrîna peyêne de Zindanê Tîpê Tyî yê Amedî de dest bi grevê vêşanîye kerde û çalakîya aye vila bîye xeylê zindanan. Her ke şona rewşa weşîya Guvene xidar bena, la Guvene bi qerardarî çalakîya xo dewam kena.

Çalakîya grevê vêşanîyê yê Endamê Meclîsê HDPyî Nasir Yagizî ke Hewlerî de bi eynî waştişan dest pêkerdbî zî roja 61. de dewam kena. Çalakîya Strasbaurgî zî roja 35.de  ya û çalakîya koma ewil ke 16ê Kanûnê de zindanan de dest pê kerdbî zî roja 36. de dewam kena. Nika nizdîyê 239 hepsîyan ra zêde hepsîyî 40 zindanan de çalakîya grevê vêşanîye yê bêdem û bêanêgêrayîşî de yî. AMED

Dikarî Biecibînî