Çalakîya Leyla Guvene roja 75. de dewam kena

Çalakîya Hemsereka KCDyî Leyla Guvena ke seba wedarnayîşê tecrîdo girankerde ke serê Rayberê PKKyî Abdullah Ocalanî yeno meşnayene, kewtbî grevê vêşanîye roja 75. de dewam kena.

Çalakîya grevê vêşanîye ke hemverê tecrîdkerdişê Rayberê PKKyî Abdullah Ocalanî bi serkêşêya  Hemsereka Kongreya Komela Demokratîke (KCD) Leyla Guvene dest pêkerdbî her ke şona zindanan de hîna vila bena. Çalakîya Hemsereka KCDyî Leyla Guvene 8ê teşrîna peyêne dest pêkerdbî roja 75. de dewam kena.

Çalakîya Endamê Meclîsê HDPyî Nasir Yagizî ke Hewlerî de bi eynî waştişan û taleban dest pêkerdî roja 62. de dewam kena. Çalakîya grevê vêşanîye ya Strasbaurgî zî roja 36. û çalakîya koma yewin ke 16ê kanûne de zindanan de dest pêkerdbî zî roja 37. de dewam kenî. Nika nizdîyê 239 hepsîyan ra zêde hepsîyî 40 zindanan de çalakîya grevê vêşanîye de yî. AMED

Dikarî Biecibînî