Ma do destûr nêdî dagirkeran

Endama Rayîrberîya Meclîsê Til Nesrîyî Ehlam Umere derheqê serrgêra Xoverdayîşê Seserre qisey kerde û wina va: “Hêrişanê serê Efrînî de îradeya azad û qezencê şarê kurdî ame hedefgirewtiş. Hemverê nê hêrişan de heta peynî xoverdayîş bî û no xoverdayîş hema zî dewam keno.”

Seke yeno zanayene hêrişanê serê Efrînî ra yew serrî derbaz bî. Dewleta tirkî û komê girêdayeyê ci bi teknolijîyanê tewr averşîyaye hêriş kerdbî. Netîceyê hêrişan de bi seyan sivîlî ameyî qetilkerdiş û bi hezan kesî ca û warê xo ra ameyî koçkerdiş. Endama Rayîrberîya Meclîsê Til Nesrîyî Ehlam Umere derheqê serrgêra Xoverdayîşê Seserre qisey kerde.

Endama Rayîrberîya Meclîsê Til Nesrîyî Ehlam Umere qiseykerdişê xo de wina va: “Seba ke şarê kurd nêbo wayîrê statu her roje hêriş kerdêne. La ma do destûr nêdî dagirkeran. Ma do destûr nêdî ke îradeya azad teslîm bêra girewtiş. Hemverê hêriş û şîdetî de şarê Efrînîxover da. Xoverdayîşê Seserre bî nimuneyê têkoşînî. Ma Rayber Apo ra hêz girewt. Umidê ma qet nêşikîya. Ma heta peynî xover da. Çalakîya Avestaye ya tarîxî veng daye. Seba şarê xo canê xo feda kerde. Bi fedakarîya xo mohrê xo daye tarîxî. Ma do timî serê şopê şehîdan de bibî. Heta ke Efrîn rizgar nêbo, ma do xover bidî.”

Umere tewr peynî wina va: “Dewleta tirkî û komê çeteyan her tewir zilm û şîdetî bi şarê Efrînî kerdî. Hêrişanê serê Efrînî de îradeya azad û qezencê şarê kurdî ame hedefgirewtiş. Hemverê nê hêrişan de heta peynî xoverdayîş bî û no xoverdayîş hema zî dewam keno. Seba ke şarê kurd nêbo wayîrê statu her roje hêrişê giranan kerdêne. Tewr peynî Efrîn ame dagirkerdiş. La ma do destûr nêdî dagirkerî. Ma do destûr nêdî ke îradeya ma ya azade teslîm bêro girewtiş.” HESEKÊ

Dikarî Biecibînî