Ocalanî seba cinîya azade kede daye

Jîyan Tekoşîn / Xebat Penaber / BEDÎNAN - ANF 

Besê Erzîncane serra 1993 de Rayberê Şarê Kurdî Abdullah Ocalan şinasnayo û ci ra perwerde girewto. Erzîncanê vana ê, seba azadîya cinîyan, seba rêxistina cinîyan kedêka pîle daya û waşt ke wa linganê xo ser bivindê.

Ma, her keso newe yo ke rayîrê rojî ra şono şinasnenê, manaya rayîrwanîya ma hîna bena bimana û xorîne. No hewte, ma Besê Erzîcane bişinasnîme û tesîro ke Rayberê Şarê Kurdî Abdullah Ocalanî aye ser dayo viraştene rê pîya şahidîye bikîme.

Cayo ke o tede bi, uca de heskerdiş estbi

Persa “To ra ke biwazê bi yew cumle birêz Ocalanî tarîf bike, ti se vana“ rê cewabêko winasî da: “Na persêka zehmet a la heskerdiş yeno mi vîr. Cayo ke o tede estbi, uca de heskerdiş estbi. Bi taybetî seba hevalanê cinîyan, kedêka pîle daye û no zî heskerdişî ra yo. Mi qet yewî het de xo hende asan, hende baş û bi heskerdiş hîs nêkerdbî.“

Merkezê cuye de cinîyê azadî

Besê Erzincane vana Rayberê Şarê Kurdî, cinîyî kerdî merkezê cuye û wina dewam kerd: “Bi slogana, cinî cuye azadîye yeno fam kerdene ke çiqas qîymet dano cinîyan. Perwerde de zî seba ke cinîyî hîna bibê pêt û bêrê rê xo û hetanê xo yê zihîfan terk bikerê, xeylî ser o vindetêne û kede dayêne ci. Goreyê ey ganî cinîyê azadî yê sey Berîtan û Zîlane bibê û bi nê qeydeyî bibê rindek…“

Keda ke seba rêxistinîya cinîyan ameya dayene

Besê Erzîncane serra 1993 de Rayber Apo şinasnayo û derheqê rêxistinbîyayîşê cinîyan ê ey wextî de wina vana: “Temelê rêxistinbîyayîşê cinîyan, bi îxanetî ver xoverdayîşê Berîtane ya serra 1992yî ame eştene. Rayber ney ser o zaf vindet û waşt ke wa cinîyî bibê wayîrê îrade û linganê xo ser bivindê. Seba ke ma xo bibîme aver, xeylî kede daye.

Besê Erzîncane zî sey hevalanê xo yê bînan, eke qalê Rayber Apoyî kena zereyê çimanê aye huyeno. Birîye kerdiş, huzur, heskerdiş ci ra yeno wendene…

Dikarî Biecibînî